Breaking News
Home / تازہ ترین / علیم ڈار سب سے زیادہ میچز میں امپائرنگ کے ریکارڈ کے قریب تر

علیم ڈار سب سے زیادہ میچز میں امپائرنگ کے ریکارڈ کے قریب تر

مشہور امپائر علیم ڈار سب سے زیادہ ٹیسٹ اور ون ڈے انٹر نیشنل میچوں کے عالمی ریکارڈ کے قریب آرہے ہیں امکان ہے کہ وہ اگلے چند ماہ میں ریکارڈ ساز امپائر بن جائیں گے۔

پاکستان کے عالمی شہرت یافتہ امپائر علیم ڈار انگلینڈ اور آسٹریلیا کے درمیان ایشیز سیریز کے 2 ٹیسٹ میچوں میں امپائرنگ کریں گے۔ سیریز کا دوسرا ٹیسٹ ان کے کیئریئر کا 128واں ٹیسٹ ہوگا اس طرح وہ ویسٹ انڈیز کے مشہور امپائر اسٹیو بکنر کا عالمی ریکارڈ برابر کردیں گے۔

بکنر نے1989سے2009تک امپائرنگ کی تھی، امپائرنگ کے اسی بلند معیار کی وجہ سے وہ 3 بار آئی سی سی کے بہترین امپائر کا ایوارڈ بھی جیت چکے ہیں۔

علیم ڈار کو جنوبی افریقا کے روڈی کوٹزن کے سب سے زیادہ 209ون ڈے انٹر نیشنل کا عالمی ریکارڈ برابر کرنے کے لئے مزید4 ون ڈے میچوں کی ضرورت ہے۔

51سالہ علیم ڈار نے 3 دن پہلے لارڈز میں انگلینڈ اور آئر لینڈ کے ٹیسٹ میچ میں امپائرنگ کی تھی۔

انہیں126ٹیسٹ206ون ڈے انٹر نیشنل اور 43ٹی ٹوینٹی انٹر نیشنل میں امپائرنگ کا اعزاز حاصل ہے۔

آئی سی سی کے ایلیٹ پینل میں شامل پاکستانی امپائر علیم ڈار کو ورلڈ کپ کے سیمی فائنلز کے بعدلارڈز کے متازع فائنل میں بھی امپائرنگ نہیں دی گئی تھی۔

علیم ڈار نے 2007اور 2011 کے عالمی کپ کے فائنل میچز میں امپائرنگ کی تھی،2007کے فائنل میں کم روشنی کے باوجود کھیل جاری رکھنے کے تنازع کے سبب انہیں اور ان کے دیگر ساتھی امپائرز کو سخت تنقید کا سامنا کرنا پڑا تھا اور یہ اسی کا نتیجہ تھا کہ اس کے بعد ہونے والے پہلے ٹی ٹوئنٹی ورلڈ کپ میں انہیں امپائرز پینل میں شامل نہیں کیا گیا تھا۔

اسی طرح 2015 کے عالمی کپ کے 2 میچوں میں ان کے 2 فیصلے تنقید کی زد میں آئے تھے جس کے بعد وہ سیمی فائنل اور فائنل میں امپائرنگ نہیں کرسکے تھے تاہم مجموعی طور پر علیم ڈار کا امپائرنگ کریئر بہت شاندار رہا ہے جس میں ان کے درست فیصلے مثال کے طور پر پیش کیےجاتے رہے ہیں۔

About clicknewslive

Check Also

مقبوضہ کشمیر کی صورتحال پر پارلیمنٹ کا مشترکہ اجلاس شروع

مقبوضہ کشمیر کی خصوصی حیثیت ختم کرنے پر پاکستان کی جانب سے حکمتِ عملی پر …

Leave a Reply

Your email address will not be published. Required fields are marked *

کلک نیوز سے واٹس ایپ پر رابطہ کریں